Wedding MC Dickson

Dickson!!! 你琴日真係好專業，啱啱老爺對你讚不絕口😂😂 原來你同佢夾咗咁多影相群組叫法，好細心👍🏻👍🏻 個相識故事我哋喺門外都聽到架😂 最安心係大合照，你同攝團隊cue得好順暢，追翻落後咗嘅時間，我竟然可以送埋客還原埋bridal room 仲有成個鐘去外影😂
同埋，多謝你同linlin嘅驚喜，我媽話我冇嫁錯人😂 感謝你幫手！
希望你繼續接多啲job，一定會推介你比其他籌備中嘅新人！

Dickson我哋呢幾日日都收到好多親朋戚友對你嘅讚賞 無論係屋企人、親戚、兄弟姊妹 每個人都對你讚口不絕👍🏼👍🏼👍🏼因為我哋婚禮嘅準備時間好短 我哋同屋企人都有好多不足同甩漏😮‍💨好彩有你好清楚流程同每個環節 仲會私底下了解多d我哋嘅故事當日幫我哋同親戚分享 因為未必每個人都知道我哋嘅愛情故事 相信佢哋都聽得好開心🥰
即使喺好趕時間好多人想影相嘅情況下 講説話亦都好大方得體好流暢 成個場嘅氣氛都好好唔會冷場 最緊要係time management做得好好 因為我哋唔想太遲開席 但係流程太多好擔心會延遲😖但最後竟然仲可以早咗開始 所以真係非常滿意♥️
嚟緊如果有朋友結婚一定會介紹你呢個咁好嘅司儀🙏🏼🙏🏼
Thank you so much!!🙌🏼祝你長做長有

Vi : 好開心搵到你幫手做MC,事前已經俾晒planner我地參考，等我地唔洗咁迷茫唔知做乜野好🤣
所有要留意嘅位都做得好足👍🏻唔會因為影相斟茶臨時加插搞到亂晒，會幫手follow埋四大長老😂👍🏻👍🏻👍🏻兄弟姊妹都大讚Dickson幫到手😆流程好順暢，應變好好，又會同佢地講返有啲咩要做，幫我地安排埋啲甩漏位，超細心🥰🥰
細心，轉數快，有效率👍🏻👍🏻👍🏻
因為有你幫手，婚禮先會進行得更完滿❤️❤️thank you

謙：辛苦晒Dickson幫我地做MC
第一次見面已經覺得好友善同令人安心
事前我地交名單同故事都比較慢 但Dickson都好有耐心等同教我地點諗
到婚宴當晚 同現場酒樓經理配合得好好 所有程序都好順暢 無論敬茶，合照，介紹主持等等都做得好好 我地有臨時特別影相要求 Dickson都好有耐心同智慧幫我地安排 身邊親友都比like。
因為有Dickson全程細心盡責mon住 成個run down 先可以run得咁舒服 真係非常感激 謝謝
🙂🙏🏻🙇🏻‍♂️🥰👍🏻👏🏻

Dickson 🙋🏻‍♂️
我一定會推薦你俾我身邊
所有就嚟結婚嘅同事朋友
辦婚禮之前 我做咗咁多次兄弟
從來都覺得婚禮MC
只係需要喺台上面講幾句嘢 就完成工作
但你嘅表現係完全顛覆咗我嘅諗法
真係發自內心講 用稱職已經形容唔到你
你真係做得好貼心
係一d超出你職責範圍既野
你都會幫我考慮埋
證婚 斟茶 進場 影相
幫我手做到好好嘅時間管理不在話下
長輩親戚朋友影相 幫忙指揮維持秩序 控制場面
呢個咁難咁艱巨嘅任務 我將個波交咗俾你
你幫我好完美咁處理咗
再一次衷心感謝你

靚仔 淡定 講嘢 大方得體
對你呢啲可能係基本
最令我開心嘅係 我係感覺到你真係好有心幫我哋
我自己都好長氣好中意講嘢 好中意同你臨時嘅互動
希望我好快又會喺其他朋友嘅婚宴上面
再次見到你 聽到你把聲

多謝你 MC Dickson
感激我同Niji婚宴上有你🥂

Thank You Dickson 💕
好慶幸搵到你做我哋嘅婚禮司儀，令當日婚禮如此順暢，就算遇到一些突發情況都可以即時處理。
多謝你係婚禮前耐心、細心回答我哋嘅每一個問題，仲預先幫我地預計左一d突然的狀況，例如：突發補敬茶、影相次序、8號風球下的婚禮安排，好感謝你係婚禮前的meeting 令我及早有plan B打算，在圓規的祝福下，婚禮可以如常進行🥳🥳

掛8號風球情況下，場地唔近地鐵站，仲要係年年記者必定採訪的鯉魚門，出名水浸😂好感激你冒著風雨，要著定短褲拖鞋到場地後揀衫不辭勞苦，仲要提早到場同我地進行最後彩排溝通🙏辛苦曬
婚禮前後你都係一個好有責任心、細心、有交代及專業的婚禮司儀及wedding planer，以後朋友婚禮一定會推薦你做司儀，令新人放心、安心👍🏻 仲要聲線好聽🥰
再次多謝你係8號風球下的風雨同路，祝你未來接MC job接唔停，長接長有🥳🥳